Sergio Aguero mwenye miaka 27 ambaye anakipiga na club ya Manchester city ameshinda kiatu cha dhahabu kwa magoli 26 kwemye msimu uliopita.
Kutokana na kuonyesha kiwango kizuri Aguero amehusishwa sana na uhamisho wa kwenda Real Madrid kwenye kipindi hiki cha usajili.
Kwa mara ya kwanza Aguero amezungumzia kuhusu hizo tetesi za yeye kuhamia club hiyo inayoshiriki ligi ya Hispania.
Kwenye maelezo yake amesema hivi “Sababu pekee inayomfanya mchezaji ahame kwenye club yake ni kwenda kushinda mataji, mimi naweza kushinda mataji yote ninayoyataka hapahapa na Man city”
“Siwezi kuzuia tetesi zinazoendelea, siwezi kuwazuia watu wasiandike vitu. Lakini ninachoweza kusema ni kwamba nina furaha kuwa ndani ya Manchester city. Nimekua na mafanikio kwenye misimu minne iliyopita na bado nina njaa ya kupata zaidi. Taji la ubingwa wa lingi ni kitu cha kwanza na tunataka kurudisha ndani ya Man city na pia ndoto kubwa ni kushinda ligi ya mabingwa.”
“Kila summer city huwa wanaongeza wachezaji wazuri kutoka kwenye timu mbalimbali duniani.Hiyo ndio njia pekee ya kushinda mataji, Nina uhakika hata wakati huu tutaongeza wachezaji wengine pia.”
“Ningependa kuona Man city inamleta Leo Messi. Yeye ni rafiki yangu mzuri na ni mchezaji bora duniani. Lakini upendo wake na kujituma kwake kwa Barcelona ni mkubwa sana na inabidi tumheshimu kwa hilo”
